Lajme
Pamje apokaliptike nga Tirana, zjarri përpin pallatin/ Betejë për shpëtimin e jetëve dhe shuarjen e flakëve
14 Prill, 2026 | 7:38 pm
Një zjarr i përmasave të mëdha ka përfshirë një pallat pranë QSUT, duke shkaktuar panik dhe ndërhyrje intensive të forcave zjarrfikëse.
Mësohet se kjo është hera e dytë që bie zjarr në këtë pallat.
Një ngjarje e ngjashme, por jo në këto përmasa, ka ndodhur në vitin 2021, ku gjatë punimeve në pallat ka marrë flakë fasada e ventiluar.
Ky lloj ndërtimi në fasadë, me material poliretan në formë shkume, e njohur ndryshe fasadë e ventiluar, ka qenë shkak i zjarrit vite më parë edhe në një pallat në zonën e ish-Parkut të Autobusëve.
Sakaq, ka shkuar në shtatë numri i të lënduarve nga zjarri, mes tyre janë tre zjarrfikës.
Për të vënë nën kontroll flakët, në ndihmë të forcave në terren janë angazhuar edhe helikopterë nga Ministria e Brendshme, të cilët po hedhin ujë nga ajri për të frenuar përhapjen e zjarrit.
Të ngjashme
Tragjike në Korçë/ Shkoi për vizitë te motra, 62-vjeçari rrëshqet në tualet dhe ndërron jetë
1 ditë më parë
E trishtë! Humb jetën gazetari Enrik Mehmeti pas aksidentit me motorin me katër rrota
1 ditë më parë
Për pak sa nuk u kthye në tragjedi! Guri gjigant shkëputet nga mali dhe bie mbi makinën e turistëve në Theth
3 ditë më parë
