Showbiz
Juria e Fest 64 përzgjedh 5 debutuesit që kalojnë në finalen e madhe
20 Dhjetor, 2025 | 12:24 am
Pas dy netëve intensive të garës në Festivalin e 64-të të Këngës në RTSH, juria ka shpallur emrat e këngëtarëve debutues që do të vijojnë rrugëtimin e tyre drejt natës finale. Nga 10 debutues që konkurruan këtë vit, vetëm 5 prej tyre kanë arritur të sigurojnë një vend në garën për çmimin e madh.
Vendimi i jurisë u bë publik përmes një njoftimi zyrtar, duke konfirmuar emrat e artistëve që u vlerësuan për interpretimin, origjinalitetin dhe potencialin artistik të këngëve të tyre.
Debutuesit që kalojnë në finalen e Fest 64 janë
Ghiti me këngën “Okej”
Endri Kaçaci me këngën “Si unë”
Rigersa Loka me këngën “Albanina Heart”
Savjana Vjerdha me këngën “Dimër për dimër e vjeshtë për vjeshtë”
Sheila me këngën “Zemra e tokës”
Përzgjedhja e tyre konfirmon edhe një herë rëndësinë që Festivali i Këngës i kushton zërave të rinj dhe prurjeve të reja në muzikën shqiptare, duke u dhënë atyre mundësinë të ndajnë skenën finale me emra të njohur të muzikës.
Finalja e Fest 64 pritet të sjellë emocione të forta, performanca të nivelit të lartë dhe një garë të hapur mes artistëve për çmimin kryesor të këtij edicioni.
