Lajme
Postimi i shpërndarë si “mbledhje sekrete për tendera” rezulton FAKE NEWS. Foto është nga viti 2019, në festën e 20-vjetorit të DPSHTRR
25 Nëntor, 2025 | 9:02 pm
Një foto që po qarkullon gjerësisht në disa portale dhe rrjete sociale, është përdorur politikisht për të aluduar se zëvendëskryeministrja Belinda Balluku ndodhej së fundmi në një apartament privat (zona e Nobis) ku ka mbledhur bashkëpunëtorët e saj “për të ndarë tendera”.
Në realitet, bëhet fjalë për një mashtrim mediatik dhe sulm politik, pasi fotografia nuk është e kohëve të fundit, por i përket vitit 2019, gjatë festës së 20-vjetorit të Drejtorisë së Përgjithshme të Shërbimeve të Transportit Rrugor (DPSHTRR), e mbajtur në Pallatin e Brigadave.
Pamjet e ceremonisë u publikuan atëherë në disa media si pjesë e protokollit zyrtar, ku të pranishëm ishin jo vetëm drejtues të institucionit, por edhe figura të tjera të qeverisë. Sipas burimeve të kohës, në këtë event ka marrë pjesë edhe kryeministri Edi Rama, siç është raportuar nga mediat në vitin 2019.
Rikthimi i fotos së vjetër në një kontekst të ri ka shkaktuar reagime të shumta, por qytetarë dhe komentues po akuzojnë portalet për manipulim dhe keqinformim me FAKE NEWS.
Ky rast vë sërish në qendër të vëmendjes fenomenin e riciklimit të imazheve të vjetra për të krijuar narrativë politike, një praktikë që vijon të dëmtojë besimin e publikut te media dhe informacioni i verifikuar.
Të ngjashme
New York Times jehonë protestës në Tiranë: U kthye në simbol të pakënaqësive politike ndaj qeverisë
20 orë më parë
