Lajme
Gruaja që detyron bashkëshortin t’i nënshtrohet makinës së së vërtetës çdo ditë
5 Korrik, 2026 | 2:24 pm
Debbi Wood nga Leicester, në Mbretërinë e Bashkuar, u bë e njohur në mbarë botën pasi u cilësua si “gruaja më xheloze në botë”, pas pjesëmarrjes në emisionin britanik This Morning në vitin 2013.
Historia e saj tërhoqi vëmendje për shkak të mënyrës ekstreme me të cilën kontrollon bashkëshortin e saj, Steve. Sipas rrëfimeve të publikuara, sa herë ai kthehet në shtëpi, duhet t’i nënshtrohet makinës së së vërtetës për të provuar se nuk e ka tradhtuar.
Por kontrollet nuk ndalen me kaq. Debbi kontrollon rregullisht telefonin, email-et dhe llogaritë bankare të bashkëshortit, ndërsa i ka ndaluar edhe të shohë programe televizive ku prezantuese janë gra. Madje, sipas mediave britanike, ajo i ndaloi edhe ndjekjen e emisionit The Weakest Link, nga frika se ai mund të tërhiqej nga moderatorja Anne Robinson.
Vetë Debbi ka treguar se gjithçka nisi pas një reklame për një brisk për gra, e cila i ngjalli dyshime të forta dhe shënoi fillimin e xhelozisë së saj obsesive.
Mjekët e diagnostikuan me Sindromën e Otellos, një çrregullim psikologjik që karakterizohet nga xhelozi patologjike dhe bindje të pabazuara se partneri është i pabesë. Personat që vuajnë nga kjo sindromë shpesh përjetojnë dyshime të vazhdueshme dhe mund të kryejnë kontrolle të vazhdueshme ndaj partnerit, pavarësisht mungesës së provave për tradhti.
Të ngjashme
Tragjedi në Elbasan, 42-vjeçari humb jetën pasi një gur u shkëput nga mali dhe ra mbi makinën e tij
1 ditë më parë
