Showbiz
Selvija tregon se çfarë do të ndodhë me këngët që Shpati nuk mundi t’i publikojë
19 Qershor, 2026 | 7:48 am
Humbja e parakohshme në nëntor të vitit të kaluar e këngëtarit të njohur Shpat Kasapi la një zbrazëti të madhe te familjarët dhe publiku që e ndoqi ndër vite. Edhe pse muajt kalojnë, kujtimi për të mbetet i gjallë, veçanërisht përmes artit dhe trashëgimisë muzikore që ai la pas.
Në mesazhin e saj të plotë, Selvija shkruan:
“Ah Shpat… Të qanë të gjitha nënat shqiptare, dhe sot po i lë botës një këngë që flet për mallin e një djali në gurbet, që ëndërron ditën kur do të kthehet e do ta gjejë nënën duke e pritur.”
Ajo vazhdon më tej duke shprehur dhimbjen e madhe që ndien teksa dëgjon këto vargje sot:
“Sa e rëndë tingëllon sot kjo këngë… sepse një nënë ende pret zërin e djalit të saj, përqafimin e tij dhe trokitjen e tij në derë…”
Në mbyllje të dedikimit, Selvija tregon se e sheh si një mision personal që zëri i bashkëshortit të saj të ndjerë të mos shuhet kurrë.
“Shpati ka lënë pas disa këngë që nuk arriti t’i publikojë, dhe edhe pse zemra më dhemb, e ndiej se kam për detyrë t’jua sjell juve, që zëri i tij të vazhdojë të jetojë mes nesh. Së shpejti në YouTube ‘NANA’”.
Të ngjashme
Puthje romantike gjatë muajit të mjaltit, Dua Lipa dhe Callum Turner kapen në momente intime në Romë
2 orë më parë
