Lajme
Kush është Erion Bani gjyqtari hero që arrestoi Veliajn, Beqajn, Dakon dhe Ahmetajn
11 Shkurt, 2025 | 5:00 pm
Erjon Bani nuk është një emër i panjohur tanimë në sistemin e drejtësisë për sa kohë me firmën e tij kanë përfunduar prapa hekurave emra të rëndësishëm të ekzekutivit por edhe çështjet për gjykim të opozitës.
Kështu Erjon Bani, i cili që nga viti i kaluar mban edhe detyrën e zv.kryetarit të GJKKO, ka filluar karrierën në drejtorinë e Kodifikimit në Ministrinë e Drejtësisë, më pas u bë pjesë e shkollës së Magjistraturës në profilin gjyqtar. Shërbeu fillimisht në Shkodër, më pas në gjykatën e Tiranës dhe në fund si gjyqtar i SPAK, shkruan Newsbomb.al
Ishte Erion Bani që me firmën e tij urdhëroi rihapjen e dosjes së Gërdecit, ku i akuzuar është Fatmir Mediu me akuzën e “Shpërdorimit të detyrës” sipas kodit penal dhe kodit penal ushtarak.
Por me firmën e tij u kërkuan hetime të thelluara për Ilir Beqajn, Shkëlqim Canin dhe katër anëtarë të prokurorimeve, ndërkohë që la në burg zv.ministrin Klodian Rrjepaj dhe pronarin e koncesionit të sterilizimit Ilir Rrapaj.
Sipas Newsbomb.al me firmën e Erion Banit është shpallur arresti edhe për ish zv.kryeministrin Arben Ahmetaj (tashmë në arrati); me firmën e tij u vendos edhe arrestimi e më pas burgosja e ish kryetarit të bashkisë së Durrësit Vangjush Dako. Ish gjyqtari i Elbasanit Ilir Pashaj dhe ish-gjyqarja Zamira Vyshka janë arrestuar po ashtu me firmën e tij.
Të ngjashme
Punonjësi i policisë humb jetën në krye të detyrës, një tjetër i plagosur gjatë një operacioni për të kapur të shumëkërkuarin në Maliq
1 ditë më parë
New York Times jehonë protestës në Tiranë: U kthye në simbol të pakënaqësive politike ndaj qeverisë
2 ditë më parë
