Lajme
Greva e doganierëve grekë, pezullohet përkohësisht lëvizja e mjeteve në pikën kufitare të Kakavijës
28 Shkurt, 2025 | 10:28 am
Dogana greke e Kakavijës është bllokuar që prej orës 07:00 të mëngjesit të kësaj të premteje për shkak të grevës të paralajmëruar të doganierëve. Kjo pikë kufitare do të qëndrojë e mbyllur deri në orën 23:00, në të dyja anët.
Siç është paralajmëruar ditën e djeshme kalimi për të gjitha llojet e automjeteve do të jetë i ndaluar, me përjashtim të ambulancave dhe makinave funerale. Policia Kufitare e Janinës ka sqaruar se gjatë kësaj periudhe do të lejohen vetëm këmbësorët pa bagazhe dhe rastet emergjente shëndetësore (ambulancat).
Theksojmë se Greqia është në grevë dhe protestë sot, në dy vjetorin e tragjedisë hekurudhore me 57 viktima. Sindikatat e sektorit privat dhe publik, qendrat e punës, dhe organe të tjera kanë njoftuar se do të marrin pjesë në mobilizimin mbarëkombëtar, me kërkesë të përbashkët për drejtësi.
Të ngjashme
Punonjësi i policisë humb jetën në krye të detyrës, një tjetër i plagosur gjatë një operacioni për të kapur të shumëkërkuarin në Maliq
1 ditë më parë
New York Times jehonë protestës në Tiranë: U kthye në simbol të pakënaqësive politike ndaj qeverisë
2 ditë më parë
