Lajme
“E vrava se nuk më linte te vishesha si doja”/ Dëshmia e vajzës që vrau babanë duke e mbytur me tel: “Ishte fanatik”
24 Korrik, 2025 | 8:29 pm
Zbardhen detaje të reja nga dëshmia e Emanilda Ramës, 26-vjeçares e cila dyshohet për vrasjen e babait të saj, Anesti Rama, në mbrëmjen e djeshme në fshatin Frashër të Fierit.
Gjatë marrjes në pyetje nga hetuesit, e reja ka pranuar krimin, duke treguar se babai i saj ishte tepër fanatik dhe nuk e lejonte të dilte apo të vishej si ajo dëshironte. Ajo jetonte ende me prindërit, pasi ishte ndarë nga partneri i saj.
Fillimisht, Emanilda u përpoq të mashtrojë autoritetet, duke deklaruar në polici se i ati kishte ndërruar jetë pas një rrëzimi në tualet. Por hetimet paraprake dhe ekzaminimi i trupit të viktimës treguan shenja mbytjeje në zonën e qafës, duke përjashtuar një vdekje aksidentale.
Policia zbulon gjithashtu se në këtë ngjarje të rëndë ka bashkëpunuar edhe nëna e vajzës, 53-vjeçarja V.R., e cila ka ndihmuar në pastrimin e trupit dhe ka tentuar të fshehë gjurmët e krimit. Më pas, ishte vetë Emanilda që njoftoi Policinë për vdekjen e babait.
Nëna ndodhet aktualisht në ambientet e Drejtorisë Vendore të Policisë në Fier, ku po merret në pyetje për të përcaktuar rolin dhe përgjegjësinë e saj në këtë krim. Autoritetet kanë paralajmëruar se pas përfundimit të hetimeve do të ketë njoftime shtesë për ndjekjen penale të saj.
Të ngjashme
New York Times jehonë protestës në Tiranë: U kthye në simbol të pakënaqësive politike ndaj qeverisë
1 ditë më parë
