Lajme
Tragjike në Greqi! Fëmija 6-vjeçar nxirret pa shenja jete nga pishina, nëna shqiptare në gjendje shoku
3 Korrik, 2026 | 9:05 am
Një ngjarje tragjike është regjistruar në Gialova, në komunën Pylos-Nestor në Mesini, ku një fëmijë 6-vjeçar ka humbur jetën pasi është gjetur pa shenja jete në pishinën e një banese.
Sipas informacioneve, fëmija ndodhej me nënën e tij, një 32-vjeçare me origjinë shqiptare, e cila punonte si pastruese në një shtëpi dykatëshe në zonë. Dyshohet se në rrethana ende të paqarta, i mituri ka mbetur pa mbikëqyrje për një moment dhe më pas është gjetur në pishinë pa ndjenja.
Menjëherë në vendngjarje kanë mbërritur shërbimet e emergjencës, të cilat kanë kryer përpjekje për reanimim (CPR), ndërsa fëmija është transportuar në Qendrën Shëndetësore të Pylos. Pavarësisht ndërhyrjes mjekësore, në orën 16:30 është konfirmuar vdekja e tij.
Nëna e fëmijës ndodhet në gjendje shoku, ndërsa autoritetet greke kanë nisur hetimet paraprake për zbardhjen e plotë të rrethanave të ngjarjes. Është urdhëruar gjithashtu kryerja e autopsisë.
Të ngjashme
Valdrin Pjetri publikon dokumentet: “Një incident i padrejtë 24 vite më parë nuk mund të më penalizojë gjithë jetën”
2 ditë më parë
Autobusi del nga rruga dhe përmbyset, dy viktima dhe mbi 15 të plagosur nga aksidenti tragjik në autostradën Tiranë-Durrës!
3 ditë më parë
