Lajme
Terror në shkollë, 10 nxënës humbin jetën pas të shtënave me armë në shkollë! Në mesin e viktimave dhe 15-vjeçarja nga Kosova
10 Qershor, 2025 | 9:37 pm
Austria vajton sot 10 viktimat e sulmit të ndodhur paraditen e sotme në një shkollë në qytetin Graz të Austrisë.
Një person i identifikuar nga autoritetet vendase, u fut brenda në shkolle në Graz teksa qëlloi me armë në drejtim të studentëve duke lënë të vdekur 9 prej tyre, 1 mësues si dhe afro 30 të tjerë të plagosur. Sipas asaj që raportojnë mediat kosovare, në mesin e viktimave është dhe një studente 15-vjeçare me origjinë nga Kosova.
Personi që kreu krimin dyshohet të jetë vetëvrarë në në tualetin e shkollës, ndërsa të paqarta vijojnë të mbeten arsyet që e çuan agresorin, një ish-nxënës i kësaj shkolle të kryente sulmin tragjik.
Lidhur me këtë ngjarje ka reaguar dhe presidentja e Kosovës, Vjosa Osmani, e cila në një postim në Tëitter shpreh keqardhjen për jetët e humbura.
“Sulmi i tmerrshëm i sotëm në një shkollë në Graz të Austrisë është shkatërrues. Shkollat duhet të jenë vende ku fëmijët ëndërrojnë, mësojnë dhe rriten, jo vende dhune dhe terrori.
Ne mendojmë për familjet që humbën të dashurit shumë shpejt dhe qëndrojmë me popullin e Austrisë gjatë kësaj kohe të dhimbshme. Ne lutemi për një shërim të plotë për të plagosurit dhe për shërim në ditët në vijim.”
Të ngjashme
Punonjësi i policisë humb jetën në krye të detyrës, një tjetër i plagosur gjatë një operacioni për të kapur të shumëkërkuarin në Maliq
14 orë më parë
New York Times jehonë protestës në Tiranë: U kthye në simbol të pakënaqësive politike ndaj qeverisë
2 ditë më parë
