Showbiz
Rikthehet me sukses Festivali Folklorik i Gjirokastrës. Tradita ndez skenën me muzikë valle dhe kostume.
30 Qershor, 2023 | 12:34 pm
Gjirokastra me valle e këngë, edhe sonte në natën e 7-të, do të na magjepsë, me grupe të tjera.
Festivali Folklorik i rikthyer pas 8 vitesh, mirëpret në skenën e Argjirosë, ansamblet shumë ngjyrëshe dhe grupet popullore. Kalaja e gurtë, jehon nën muzikën e traditës ku të kënaqet shpirti dhe të thërret ADN-ja. Ky festival është prezantuar nga moderatoja Vilma Masha, e cila shihet në një tjetër skenë veç asaj të sportit. Me mjaft finesë dhe elokuencë gazatarja bukuroshe e veshur çdo mbrëmje me kostume tradicionale të stilizuara, prezanton ansamblet e magjishme.
Kjo është një eksperiencë fantastike, për të, nga ato të rrallat që shënjojnë karrierën e një gazetari është shprehur Vilma. Festivali bart në vetvete, trashëgimi, kulture, zakone, art, traditë dhe përcjell lidhur si me një fill të hollë vlerat brez pas brezi. Skenaristi Pandi Laço dhe regjisori Bledi Laço kanë bërë një pune të jashtëzakoshme duke nxjerrë në pah vlerat më të mira artistike të grupeve pjesëmarrëse. Festivali do të mbyllet të shtunën me datë 1 korrik, ku dhe finalja i është besuar sërish Vilma Mashës.
