Showbiz
Cardi B-Musk:”Unë nuk jam një kukull, jam një fëmijë emigrantësh”
4 Nëntor, 2024 | 9:52 am
Cardi B i është kundërpërgjigjur komenteve të Elon Musk, i cili e quajti atë një “kukull” pas tubimit të Kamala Harris në Milwaukee. Reperja 32-vjeçare, e njohur për ndjeshmërinë e saj sociale dhe mbështetjen për politikat progresive, shkoi në Twitter për t’iu përgjigjur themeluesit të Tesla.
“Unë nuk jam një kukull, Elon” shkroi Cardi B “Unë jam vajza e dy prindërve emigrantë që punuan shumë për të më rritur,” vazhdoi ajo.
Reperja shpjegoi se si u rrit në varfëri dhe argumentoi se realiteti i amerikanëve që luftojnë për të mbijetuar është diçka që Musk nuk mund ta kuptojë.
Gjithçka nisi kur Musk postoi videon e fjalimit të Cardi B, ku reperja dukej nervoze për shkak të një problemi që kishte në teleprompter.
Në postimin e tij ai ka komentuar: “Një tjetër kukull që nuk flet pa u ushqyer me fjalët”.
Me këtë koment, ai vuri në dukje mungesën e autenticitetit dhe ndjeshmërisë në fushatën e Kamala Harris, duke shkaktuar një reagim të ashpër nga Cardi B.
