Showbiz
Rita Ora tërheq gjithë vëmendjen në festën Oscars me kapelen gjigante
16 Mars, 2026 | 5:52 pm
Rita Ora arriti të tërheqë vëmendjen në festën prestigjioze të Vanity Fair pas Oscars, duke u shfaqur me një paraqitje sa elegante aq edhe të pazakontë.
Këngëtarja shqiptare mori pjesë në eventin e organizuar në Los Angeles County Museum of Art, ku u shfaq me një kapelë gjigante të mbuluar me mijëra pupla të zeza, një aksesor aq i madh sa në disa momente dukej sikur i pengonte edhe shikimin.
Pamjen e saj dramatike Rita e kompletoi me një fustan transparent me korse nga koleksioni Couture SS26 i stilistes Tamara Ralph. Veshja ishte e dekoruar me motive lulesh dhe gurë të ndritshëm, ndërsa pjesa e fundit prej sateni krijonte një bisht elegant që i jepte edhe më shumë efekt paraqitjes së saj.
Edhe pse look-u i saj ishte shumë i rafinuar, Rita nuk ngurroi të tallej me aksesorin ekstravagant. Gjatë intervistave në tapetin e kuq, ajo bëri shaka duke thënë se dukej si një llambë dhe se mund të “qëndronte si pjesë e mobiljeve” brenda festës.
Megjithatë, pak pasi hyri në event, këngëtarja u detyrua ta hiqte kapelen, pasi madhësia e saj e bënte të vështirë lëvizjen dhe komunikimin me të ftuarit e tjerë.
Më vonë ajo u pa duke e mbajtur kapelen në dorë teksa bisedonte me disa nga figurat e njohura të Hollywood-it, mes tyre Chris Evans dhe Kris Jenner.
Pavarësisht momentit humoristik, paraqitja e Rita Orës u komentua gjerësisht në rrjetet sociale, ku shumë fansa e vlerësuan për stilin e guximshëm dhe për mënyrën spontane me të cilën e trajtoi këtë pamje në një nga festat më të rëndësishme të natës së Oscars.
Të ngjashme
Publikohen pamjet/ Momenti kur Gjesti shkon me armë në ambientet e Onima, reagon këngëtari: Ju betohem që…
4 orë më parë
Sinan Vllasaliu në dasmën e Dua Lipës? Sa do të paguhet këngëtari shqiptar në eventin luksoz të vitit
18 orë më parë
