Showbiz
Ermira Babaliu kundër Festivalit të Pranverës në RTSH: “Dua të marr pjesë edhe unë”
24 Mars, 2026 | 7:16 pm
Rikthimi i “Festivalit të Pranverës” në RTSH, pas më shumë se dy dekadash mungesë, ka ndezur menjëherë debat në rrjet, ku përveç entuziazmit për rikthimin e një tradite të njohur, nuk kanë munguar edhe reagimet kritike nga shumë artistë, në lidhje me kriterin për moshën e lejuar në pjesëmarrje.
Një nga zërat më të komentuar ka qenë ai i këngëtares Ermira Babaliu, e cila përmes një postimi në Facebook ka ironizuar kushtin kryesor të festivalit, që kufizon pjesëmarrjen vetëm për moshat 18-30 vjeç. “RTSH Lajme: Rikthehet ‘Koncerti i Pranverës’… interpretuesit 18-30 vjeçarë”, shkruan ajo, duke e shoqëruar me emoji ironike, ndërsa më tej shton me humor: “Po atë ditë ne bëjmë koncertin e madh të pranverës në një sallë ngjitur ose te shkallët e pallatit të tyre”.
Reagimi i Babaliut ka gjetur mbështetje edhe nga emra të tjerë. Këngëtari dhe prezantuesi Gjergj Leka ka komentuar me ironi duke propozuar organizimin e një eventi paralel për të gjithë ata që mbeten jashtë: “Pa problem, se e organizoj unë një tjetër për të gjithë ju dhe e titullojmë ‘Pranvera erdhi’, si vargjet e Migjenit”.
Ndërkohë, këngëtarja Mimoza Selimi e ka cilësuar këtë vendim si një deformim të traditës së festivalit, duke kujtuar se dikur “Koncerti i Pranverës” nuk kishte kufizime moshe dhe ishte një hapësirë e hapur për të gjithë artistët, pa dallim brezi.
Nga ana tjetër, RTSH e ka cilësuar këtë format si një përpjekje për të promovuar talentet e reja dhe për t’u dhënë hapësirë brezave të rinj në skenën muzikore shqiptare.
Të ngjashme
Publikohen pamjet/ Momenti kur Gjesti shkon me armë në ambientet e Onima, reagon këngëtari: Ju betohem që…
2 orë më parë
Sinan Vllasaliu në dasmën e Dua Lipës? Sa do të paguhet këngëtari shqiptar në eventin luksoz të vitit
16 orë më parë
