Showbiz
Edlira Çepani prek me fjalët për humbjen e bashkëshortit: Ti e dije që jeta ime s’ka kuptim pa ty!
18 Shtator, 2024 | 9:14 pm
Ish-deputeti Gerti Bogdani u nda përgjithmonë nga jeta këtë të mërkurë pas një arresti kardiak. Bashkëshortja e tij Edlira Çepani, një nga aktivistet më të spikatura në vend, ka ndarë me ndjekësit lajmin më të trishtë për ndarjen nga jeta të Bogdanit dhe ka bërë një dedikim mjaft të ndjerë për bashkëshortin e saj.
“Ti e dije qe jeta ime s’ka kuptim pa ty! Ti e dije qe nuk ishe thjesht gjysma ime me e mire, ishe jeta ime!! Ti ishe shoku im, dashuria ime, familja ime, skuadra ime! Ti e di qe une nuk jetoj dot pa ty! S’di a ta thashe ndonjehere mjaftueshem sa te adhuroj!!! Zoti merr prane vetes me te miret, por ty s’duhet te te kishte marre, se une, Ajra dhe Reinarti kemi nevoje per ty, per dashurine tende per jeten, per keshillen e drejte qe jep gjithmone, per modelin e duhur qe je gjithmone! Bota eshte nje vend i pavlere pa ty! Do te te duam perjete, bashkeshorti, babai, shoku dhe njeriu me i mire qe do jetoje ndonjehere ne kete bote! Do te te dua çdo dite te jetes derisa te takohemi serish, drita e çdo rrugetimi tim!
Homazhet dhe ceremonia e lamtumirës, do bëhen ditën e nesërme dt. 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.”- shkruan ajo.
