Politike
Belinda Balluku rikthehet në social media për një mesazh special
25 Dhjetor, 2025 | 11:46 pm
Zëvendëskryeministrja Belinda Balluku ka zgjedhur ta kalojë një ditë festive larg protokollit zyrtar, mes ngrohtësisë së familjeve lushnjare, duke ndarë me ndjekësit e saj në rrjetet sociale një moment të veçantë plot emocione dhe thjeshtësi.
Në postimin e publikuar në Instagram, Balluku shfaqet e rrethuar nga familjarë, fëmijë dhe të moshuar, në një ambient shtëpiak ku mbizotëron buzëqeshja, harmonia dhe atmosfera tipike e festave. Ajo thekson se gëzimi i vërtetë i këtyre ditëve bëhet edhe më i madh kur ndahet me njerëzit që duam, mes zërave të gëzuar të fëmijëve, aromës së gatimeve tradicionale dhe bisedave të ngrohta mes miqsh.
“E kalova ditën sot mes ngrohtësisë së familjeve lushnjare, miq të mirë, me zemër të bardhë e mikpritës të rrallë”, shkruan Balluku, duke vënë theksin te vlerat njerëzore dhe rëndësia e lidhjeve familjare, sidomos në ditë të shënuara.
Postimi është pritur me reagime pozitive nga ndjekësit, të cilët kanë vlerësuar mesazhin e paqes, shëndetit dhe lumturisë që përcjell zëvendëskryeministrja, duke e uruar për festat dhe për afërsinë me njerëzit e thjeshtë.
Në përfundim, Belinda Balluku u uron të gjithëve që këto ditë të bekuara t’i gjejnë të ulur këmbëkryq në vatrat e tyre, me paqe, shëndet dhe lumturi një mesazh që rezonon fort në frymën e festave.
