Showbiz
“Ma solli pa më thënë asgjë”, Selin Bollati zbulon surprizën luksoze nga Dj Gimbo
22 Korrik, 2026 | 6:43 am
Fituesja e “Big Brother VIP Albania 5”, Selin Bollati, ka zbuluar një tjetër moment të veçantë nga historia e saj e dashurisë me DJ Gimbon. Gjatë një interviste ku të dy ishin të ftuar, ajo tregoi se partneri e surprizoi me një makinë luksoze Audi, një dhuratë që e la pa fjalë.
Sipas Selinit, surpriza u organizua gjatë një fundjave që po kalonin me familjarët në një vilë. Pa i dhënë asnjë sinjal më parë, DJ Gimbo i solli makinën, duke e bërë atë të përjetonte një nga momentet më emocionuese të lidhjes së tyre.
“Pak ditë më parë ishim mbledhur me familjen në një vilë për fundjavë dhe Gimbo më surprizoi. Më dhuroi një makinë dhe e solli aty, pa më treguar asgjë paraprakisht”, rrëfeu ajo.
Selin shtoi se bëhej fjalë pikërisht për modelin që kishte ëndërruar, duke e cilësuar gjestin e partnerit si shumë të menduar dhe romantik.
Historia e dashurisë mes Selin Bollatit dhe DJ Gimbos nisi brenda shtëpisë së “Big Brother VIP Albania”, ku u kthye në një nga raportet më të komentuara të sezonit. Edhe pas përfundimit të spektaklit, dyshja ka vijuar lidhjen dhe shpesh ndan me ndjekësit momente nga përditshmëria e tyre.
Të ngjashme
Xhesika Polo zbulon historinë e dashurisë: “Kam gjetur njeriun e jetës, e njoha në Instagram”
14 orë më parë
