Showbiz
Pas 20 vitesh, Bes Kallaku vesh sërish bluzën që bleu me rrogën e parë
25 Maj, 2026 | 8:45 pm
Bes Kallaku ka prekur ndjekësit me një rrëfim tepër emocional në rrjetet sociale, ku ka ndarë kujtimin e një prej gjërave më të shtrenjta për të: bluzën e parë që bleu me rrogën e tij të parë.
“E hapa dollapin sot… dhe e gjeta përsëri. Të palosur me kujdes, si të ruante ende brenda aromën e atyre viteve”, shkruan Besi në postimin që ka emocionuar ndjekësit.
Ai zbulon se bluza ishte blerë me rrogën e parë tek “Portokallia”, ndërsa thekson se nuk ka ruajtur thjesht një veshje, por një copë të shpirtit të tij dhe kujtimet e djalit që dikur kthehej i lodhur, por plot ëndrra.
“Nuk kam ruajtur një bluzë. Kam ruajtur një copë të shpirtit tim”, vijon ai mes rreshtash.
Në fund, Bes Kallaku u drejtohet ndjekësve me një pyetje që ka nxitur reagime të shumta: “Po ju, çfarë ruani nga e shkuara?”
Të ngjashme
Xhesika Polo zbulon historinë e dashurisë: “Kam gjetur njeriun e jetës, e njoha në Instagram”
8 orë më parë
