Showbiz
“Jam e shokuar nga Miri”, Selin zbulon përmbajtjen e Kutisë së Pandorës
22 Shkurt, 2026 | 8:44 am
Prime-i i mbrëmshëm i “Big Brother VIP” solli një tjetër moment të fortë emocional, pasi banorët u njohën me përmbajtjen e “Kutisë së Pandorës”. Mes mesazheve të lexuara, ai i babait të Selin për Mirin krijoi menjëherë tension në shtëpi dhe ndezi debat mes dy banorëve.
Situata u përshkallëzua pasi Selin reagoi hapur ndaj qëndrimit të Mirit, duke u shprehur e zhgënjyer nga fakti që, sipas saj, ai nuk reflektoi pas mesazhit. Ajo theksoi se nuk u surprizua nga fjalët e babait, por nga mënyra se si Miri vendosi të vazhdonte sjelljen e tij pa asnjë ndryshim.
“Jam pak e shokuar, por jo nga ajo që ka thënë babai im. Nëse ai e ka parë ashtu, ndoshta ashtu është interpretuar. Më habit Miri që nuk bëri asnjë përpjekje për të ndryshuar qasje, por vazhdoi me të njëjtën sjellje,” u shpreh Selin, duke lënë të kuptohet se priste një reflektim më të madh nga ana e tij.
Nga ana tjetër, Miri u përpoq të sqarojë situatën, duke theksuar se mesazhi ishte interpretuar në mënyrë emocionale nga babai i Selin. Ai mohoi çdo qëllim të gabuar në sjelljen e tij dhe shtoi se nuk kishte ndryshuar qëndrim për të mos krijuar konfuzion tek Selin.
“Ka qenë një emocion i interpretuar nga babai i saj. Nuk ka pasur asgjë të gabuar në sjelljen time. Nuk doja të ndryshoja qëndrim që të mos e ngatërroja,” u shpreh Miri.
Debati mes tyre ka hapur sërish diskutime mbi raportin e tyre brenda shtëpisë, ndërsa mbetet për t’u parë nëse kjo situatë do të sjellë një distancim përfundimtar apo një reflektim nga të dyja palët.
Të ngjashme
Ilir Shaqiri sulmon Mimoza Ahmetin: “Të kanë mësuar serbët”, shkrimtarja kundërpërgjigjet ashpër
3 orë më parë
