Showbiz
Bleona Qereti shkëlqen në Grammy Awards, rrëmben vëmendjen me fustanin ngjyrë ari
2 Shkurt, 2026 | 9:02 am
Paraqitja e Bleona Qereti në tapetin e kuq të Grammy Awards ishte një nga momentet më të spikatura të mbrëmjes, ku artistja shqiptare rrëmbeu vëmendjen me një fustan spektakolar në ngjyrë ari, që kombinonte elegancën me guximin modern.
Me material metalik që reflektonte dritat e tapetit të kuq dhe një prerje që theksonte linjat trupore, Bleona u shfaq si një divë e vërtetë ndërkombëtare. Flokët e mbledhur me finesë dhe aksesorët minimalistë i dhanë paraqitjes një shkëlqim edhe më luksoz, ndërsa fotografët nuk reshtën së kapuri çdo hap të saj.
Ceremonia e 68-të e Çmimeve Grammy, e mbajtur në Los Angeles, konfirmoi edhe këtë vit dominimin e emrave më të mëdhenj të industrisë muzikore botërore. Mbrëmja u karakterizua nga fitore të fuqishme artistike dhe surpriza në kategoritë kryesore.
Fituesi më i madh i natës për të dytin vit radhazi ishte Kendrick Lamar, i cili u largua me plot pesë çmime, duke forcuar edhe më tej statusin e tij si një nga figurat më të rëndësishme të muzikës moderne.
Ndërkohë, çmimi më prestigjioz i mbrëmjes Albumi i Vitit shkoi për superyllin nga Puerto Riko, Bad Bunny, duke shënuar një tjetër moment historik për muzikën latine në skenën globale.
Mes yjeve botërorë, fitoreve të mëdha dhe tapetit të kuq plot shkëlqim, prania e Bleona Qeretit i dha ceremonisë edhe një prekje shqiptare që nuk kaloi pa u vënë re, duke treguar se ajo vazhdon të jetë një emër që di të spikasë në eventet më prestigjioze të botës.
Të ngjashme
Ilir Shaqiri sulmon Mimoza Ahmetin: “Të kanë mësuar serbët”, shkrimtarja kundërpërgjigjet ashpër
8 orë më parë
