Showbiz
“Daja i saj më preu rrugën”- Reagojnë familjarët e Brikenës pas deklaratës së Mateos
21 Janar, 2026 | 8:47 am
Pas rrëfimit publik të Mateos për njohjen e tij me Brikenën, ku tregoi se daja i kishte prerë rrugën, ka ardhur edhe reagimi i familjarëve të Brikenës. Në një deklaratë publike të shpërndarë në rrjete sociale, ata kanë zgjedhur të sqarojnë qëndrimin e tyre, duke theksuar rëndësinë e privatësisë dhe respektimit të marrëveshjeve të mëparshme.
Familjarët nënvizojnë se fjalët e dhëna nuk janë temë loje dhe se çështjet e jetës personale nuk duhet të përdoren për strategji apo përfitim publik. Sipas tyre, kur dy persona bien dakord që një e kaluar të mos diskutohet, ajo marrëveshje duhet të respektohet, pavarësisht rrethanave apo presionit të lojës.
Në reagim thuhet gjithashtu se të qenit figurë publike nuk e anulon të drejtën për privatësi dhe nuk justifikon hapjen e detajeve personale që, sipas familjarëve, nuk i shërbejnë askujt. Ata theksojnë se e kaluara private nuk duhet të kthehet në “material loje” apo armë strategjike.
Familja e Brikenës bën të qartë se nuk synon të hyjë në detaje apo të drejtojë gishtin ndaj askujt, por se qëndrimi i tyre është mbrojtja e privatësisë dhe e dinjitetit, jo sulmi personal. Në fund të reagimit, ata shprehen se si familje qëndrojnë fort pas një parimi bazë: kufijtë personalë nuk duhet të tejkalohen për vëmendje apo strategji loje.
Deklarata mbyllet me një thirrje për respekt ndaj të gjithëve, duke lënë të kuptohet se për familjarët e Brikenës, kjo çështje konsiderohet e mbyllur dhe nuk do të pasohet me reagime të tjera.
