Lifestyle
Sa orë gjumë ju duhen për të humbur peshë?
30 Qershor, 2021 | 10:09 am
Sasia e gjumit e rekomanduar nga ekspertët për individët e rritur varion nga 7 deri në 9 orë në natë. Sidoqoftë, shumë njerëz shpesh flenë për më pak kohë.
Disa studime kanë treguar se gjumi më pak se orët e rekomanduara ndikon negativisht në dhjamin e trupit tonë, duke shkaktuar shtim në peshë dhe rrezik të mbipeshes; duke ndikuar gjithashtu në lehtësinë me të cilën humbet pesha duke ndjekur një dietë.
Në mënyrë të veçantë, studiuesit raportuan se gratë që flenë 5 orë ose më pak një natë zakonisht peshojnë më shumë sesa gratë që flenë të paktën 7 orë në natë. Të parat, në fakt, kanë 12% më shumë gjasa të përjetojnë shtim më të madh në peshë dhe 6% më shumë të ngjarë të bëhen mbipeshe.
Siç shpjeguan studiuesit, gjumi ndihmon në ekuilibrimin e profilit të hormoneve, veçanërisht hormonet që kontrollojnë urinë (gherelin) dhe ngopjen (leptin).
Kur jemi të privuar nga gjumi, nivelet e grelinës rriten dhe nivelet e leptinës bien, gjë që na bën të ndjehemi më të uritur.
Vendosni temperaturën e dhomës në rreth 20/21 gradë celsius, shmangni marrjen e kafeinës shumë vonë gjatë ditës, shmangni ushqimet me yndyrë dhe alkoolin para se të flini dhe fikni të gjitha pajisjet elektronike të paktën gjysmë ore para se të flini.
