Lajme nga vendi

Covid nuk po njeh moshë, ndërron jetë një tjetër 32-vjeçar pa sëmundje shoqëruese

17 Mars, 2021 | 4:54 pm

Koronavirusi vijon të përhapet me shpejtësi në vendin tonë duke shënuar shifra rekord, të infektuarish dhe viktimash. Gjatë ditëve të fundit është vënë re dhe një rritje e madhe e numrit të të rinjve që infektohen me Covid, dhe në disa raste ky infektim përfundon në fatalitete.

Së fundmi virusi i ka marrë jetën një 32-vjeçari nga Kukësi. Burime për JOQ bëjnë me dije se është ndarë nga jeta Xhafer Gjana 32-vjeç i cili nuk kishte asnjë sëmundje tjetër shoqëruese. Gjana ishte zhvendosur për të jetuar në Tiranë dhe këtu ka humbur edhe jetën.

Miqtë dhe të afërmit e tij shprehin ngushëllimet për familjarët e tij.