Një deklaratë e gazetares dhe opinionistes Aulona Musta në podcast-in “The Dalina Show”, disa kohë më parë bëri xhiron e rrjetit,teksa ajo u shpreh;

“Për mua fakti që Beniada prezanton një emision pasditeje, kur nuk di të flasë shqip siç duhet…”, shprehet Aulona.

Pas publikimit të trailer-it të emisionit, Beniada ka ndarë një video në InstaStory, ku duket si një kundërpërgjigje për deklaratën e Aulonës.

“Qentë le të lehin, karvani ec përpara,” shprehet ajo, ndërsa përgatitet për emisionin e radhës.

E duket se tani më Aulona dhe Beniada u përballën. Në puntatën e fundit të “Për’puthen”, një pyetje e bërë nga Megi ndezi një debat të fortë mes opinionisteve Aulona dhe Beniada, duke sjellë replika të drejtpërdrejta. Sigurisht një pyetje jo e rastësishme.

Gjithçka nisi me pyetjen:

“A mund të jetë opinioniste dikush që nuk flet mirë shqip?”

Kjo pyetje u interpretua menjëherë si një goditje ndaj Beniadës, e cila reagoi, por kërkoi sqarim:

“Pyetja është për mua apo Aulonën?”

Megi vijoi duke theksuar se po ia drejtonte Aulonës:

“Po pyes Aulonën, të intereson përgjigjja?”

Beniada: “Jo fare, por unë jam e edukuar dhe dëgjoj.”

Pas kësaj, fjala iu dha Aulonës, e cila artikuloi mendimin e saj duke mbajtur një qëndrim të qartë:

“Një opinioniste që s’flet mirë shqip mund të jetë dhe të japë mendimet e saj, sepse kushdo ka të drejtë të japë mendime, patjetër që dhe një vajzë që nuk e flet mirë shqipen.

Por unë i qëndroj idesë sime që një prezantuese nuk mund të jetë dot nëse nuk e flet mirë shqipen. Njësoj sikur unë s’mund të bëj dot një emision politik. Nëse do më thonin ta bëja unë e di që do isha një tmerr.”

Beniada sërish reagoi duke thënë:

“Zemër, unë mendoj që secili prej nesh ka karakteristikat e veta dhe secili ka mënyrat e veta për t’u shprehur. Ka njerëz që mbase s’e kanë gramatikën perfekte, por më mirë të flasësh me komunikimin e zemrës sesa me komunikimin perfekt por me gjuhën e urrejtjes.”

Në fund, të dyja mbrojtën perspektivën e tyre,por u duk se vendosën një paqe.