Showbiz
Brikena flet për ndarjen me Mateon: Çdo kujtim që kam krijuar deri më sot ka qenë i bukur
13 Qershor, 2026 | 9:21 am
Këngëtari Blero u përball me një intervistë të veçantë nga Brikena, ish-banore e Big Brother VIP Albania.
Gjatë bisedës, Brikena e pyeti Bleron për karrierën e tij, jetën familjare dhe eksperiencat personale, ndërsa në një moment këngëtari vendosi të këmbejë rolet dhe t’i drejtojë vetë një pyetje që ka ngjallur kuriozitet te publiku.
Pasi foli për martesat e tij, përvojat jetësore dhe raportin me familjen, Blero e pyeti Brikenën nëse lidhja e saj me Mateon kishte marrë fund.
“Ka marrë fund mes teje dhe Mateos?”, ishte pyetja direkte e këngëtarit.
Fillimisht, Brikena reagoi me humor duke e pyetur: “Ke nisur të bësh pyetje edhe ti?”, por përgjigjja e saj la të kuptohej se marrëdhënia mes saj dhe Mateos nuk vazhdon më.
“Çdo kujtim që kam krijuar deri më sot ka qenë i bukur. Do të kem gjithnjë respekt për Mateon dhe gjithçka që kemi bërë bashkë”, u shpreh ajo.
