Lajme nga vendi
E ndaluan… e qëlluan… një plumb në zemër. Detaje nga/ Detaje nga vrasja e efektivit të FNSH
5 Dhjetor, 2020 | 1:00 pm
![](https://kryefjala.com/wp-content/uploads/2020/12/9E1692C5-1C58-475A-B2BF-E421D17D1339.jpeg)
Një efektiv i forcave FNSH të Shkodrës u ekzektua me armë zjarri mëngjesin e sotëm në Lezhë.
Xhulio Prela 26-vjeç nga fshati Rrilë i këtij qyteti u gjet i vdekur në automjetin e tij në superstraden Lezhë-Milot, pranë fshatit Gajush.
Grupi hetimor po vijon punën për zbardhjen e rrethanave të ngjarjes ndërsa nga informacionet e para mësohet se një person në këmbë dhe me elektrik dore i ka dalë para makinës së efektivit të FNSH-së Shkodër dhe I ka kërkuar të ndalojë.
Xhulio ka hapur krahun dhe ka hapur xhamin e makinës.
Mendohet se mes viktimës dhe autorit ka pasur debat. Më pas 26 vjeçari ka ndezur makinën për tu larguar kur është qëlluar nga një person i dytë.
Një plumb mësohet se e ka marrë në zemër.
Ndërsa makina po largohej është qëlluar dhe dy herë të tjera, duke bërë që kjo makinë të humbë kontrollin dhe të përfundojë jashtë rruge.