Lifestyle
Histori:Njihen në azil dhe bëhen shoqe jete
1 Shtator, 2024 | 11:42 am
Ajo është Ema dhe është 85 vjeç dhe jeton një pleqëri të qetë në Argjentinë, e rrethuar nga dashuria e fëmijëve dhe nipërve të saj. Megjithatë, një ditë ajo bie, duke thyer gjurin dhe femurin.
Ema ka nevojë për ndihmë të vazhdueshme dhe për fat të keq asnjë nga familja e saj nuk mund t’ia japë.
Ajo shkon në një shtëpi pleqsh, por ka frikë të ndihet vetëm. Ditët e para qan, më pas takohet me Blancën, një grua disa vite më e madhe se ajo.
Ato flasin për jetën e tyre, shtëpinë e tyre, fëmijët e tyre dhe zbulojnë se kanë shumë gjëra të përbashkëta.
Të dyja u rritën në fshat, prindërit e tyre ishin fermerë, të dyja jetonin duke u kujdesur për shtëpinë dhe familjen dhe tani janë atje për të njëjtën arsye. Ema dhe Blanca ia besojnë frikën njëra-tjetrës dhe së bashku buzëqeshin sërish..
Pak nga pak ato mësojnë zakone nga njëra-tjetra, inkurajojnë njëra-tjetrën për të bërë fizioterapi, duke u kapur për dore arrijnë të ngrihen nga karrigia me rrota dhe të bëjnë disa hapa. Ema nuk ka më frikë nga vetmia, edhe sepse e vizitojnë gjithmonë familjarët e saj. Sot ajo është 91 vjeç, Blanca 95 dhe ato janë më afër se kurrë. Ndihemi sërish fëmijë, thonë ato. Ne do të mbetemi shoqe përgjithmonë.
