Lajme
Gripi i shpendëve përhapet në Tiranë
29 Dhjetor, 2024 | 10:18 am
Një vatër e re e gripit të shpendëve është konfirmuar në zonën e Zall-Herrit, Tiranë. Autoriteti Kombëtar i Veterinarisë dhe Mbrojtjes së Bimëve (AKVMB) njoftoi se, pas analizave të kryera nga Instituti i Sigurisë Ushqimore dhe Veterinarisë, është konfirmuar prania e virusit të Influencës Aviare (H5N1) në një fermë familjare që mban pula dhe gjela deti, shkruan Newsbomb.al
Sapo u mor konfirmimi zyrtar mbrëmjen e djeshme, autoritetet ndërmorën masa urgjente për të kontrolluar situatën. Përfaqësuesit e AKVMB inspektuan këtë mëngjes zonën e prekur, duke vendosur masa të menjëhershme për eliminimin e shpendëve të infektuar dhe çrrënjosjen e virusit. Zona është vendosur në karantinë, ndërsa janë krijuar perimetra mbrojtjeje dhe mbikëqyrjeje për të parandaluar përhapjen e mëtejshme.
Kjo është vatra e dytë e konfirmuar në Tiranë pas shpërthimit të parë disa javë më parë në një fermë familjare në Mëzez. Edhe atëherë, autoritetet reaguan për të kufizuar përhapjen e virusit, duke marrë masa strikte mbrojtjeje.
Institucionet mbeten të angazhuara për të monitoruar situatën dhe për të minimizuar rrezikun për shpendët dhe shëndetin publik.
Të ngjashme
“Të quhet Partia e Bulevardit”, Alfred Cako: Protesta të shndërrohet në një parti politike
12 minuta më parë
Komentuesit i kërkojnë të jetë në krye të protestës, Marin Mema kthen përgjigjen e prerë: Jam idealist
20 minuta më parë
