Lifestyle
Beson tek e bija dhe zbulon një jetë të re pas pensionit
2 Shtator, 2024 | 11:12 am
Ajo është Edith dhe jeton në Nju Jork. Është viti 2018. Ajo ka punuar në Wall Street për tridhjetë vjet dhe është gati të gëzojë pensionin dhe familjen e saj. Në të njëjtën kohë, vajza e saj Jordan është duke marrë një diplomë Master në Harvard dhe është në kërkim të një partneri me të cilin të fillojë një biznes tutoring dhe asistence studimi.
Edith e sheh atë një projekt interesant. Ajo i jep asaj këshilla, e ndihmon atë të zhvillojë një platformë online. Jordan bën shaka.
“Mami, a dëshiron të punosh me mua?” Edith e mendon seriozisht. Të realizosh një projekt së bashku me vajzën tënde tingëllon e mrekullueshme.
Ato ranë dakord dhe krijuan një kompani. Edith fokusohet shumë tek puna, nuk i imponohet dhe as i bën presion Jordanit, iniciativën ia lë asaj. Ato zbulojnë se janë një çift i lidhur ngushtë, i aftë për të punuar në harmoni të përsosur. Edith e kupton që në atë kontekst nuk duhet të jetë nënë, por partnere pune, duhet të mendojë qartë.
Përvoja e saj në Wall Street është shumë e dobishme dhe bashkëpunimi i tyre është një sukses. Pas vetëm nëntë muajsh në treg ato fitojnë para shumë të mira. Edith është mosbesuese. Nuk është jeta në pension që ajo priste, dhe ndoshta është edhe më mirë. Ajo mund të jetë gjithmonë pranë Jordanit të saj të dashur. Por sekreti i suksesit të tyre është një. Në zyrë nuk ka nënë, e dashur apo dashuri. Janë vetëm Edith dhe Jordan.
