Showbiz
Ronela Hajati shpërthen në rrjete sociale: “Pse jemi kaq të ligj?”
1 Dhjetor, 2025 | 6:19 pm
Këngëtarja Ronela Hajati ka ndarë një mesazh të gjatë dhe emocional në Instastory, ku shpreh lodhjen, zhgënjimin dhe dhimbjen që i kanë shkaktuar komentet fyese dhe gjuha e ashpër në rrjetet sociale. Ajo tregon se pas viteve të tëra përballjeje, nuk është më e zemëruar—por e konsumuar emocionalisht.
Ronela shkruan se çdo herë që ka tentuar të reagojë apo të shfryjë dufin e saj, mesazhi ka rënë në vesh të shurdhët. Ajo thekson se kritikat nuk kanë lidhje me muzikën apo punën e saj, por me pamjen dhe paragjykimet e lodhshme që shoqërojnë çdo dalje të saj publike.
Në rrëfimin e saj, artistja tregon edhe peshën e jetës personale që mbart jashtë skenës: faturat, përgjegjësitë familjare, prindërit, ndarjet, sfidat e përditshme që publiku nuk i sheh. Ajo vë në dukje kontrastin mes imazhit publik dhe realitetit të vështirë që shpesh fshihet pas tij.
Ronela e përshkruan Shqipërinë si një vend që i ka dhënë arsye të ikë, por edhe arsye të qëndrojë. Megjithatë, pyetja që e dhemb më shumë është: pse ka kaq shumë ligësi?
Në përfundim, këngëtarja lë një mesazh reflektues për vlerën e zemrës së mirë në një kohë kur negativiteti shpesh dominon:
“E nëse sot duhet të jemi falenderues, përveç shëndetit, jemi bërë të falenderojmë Zotin që kemi zemër të mirë.”
Mesazhi i saj ka prekur shumë fansa, të cilët kanë reaguar me mbështetje dhe mirënjohje për sinqeritetin e artistes.
