Anxhela Peristeri ka publikuar projektin e saj më të ri “Mjegull në Tiranë”, duke sjellë një nga kombinimet më të fuqishme të muzikës shqiptare: këngë artistike, emocion të thellë dhe videoklip kinematografik me standard ndërkombëtar.
Kënga mban firmën e Pirro Çakos në tekst dhe muzikë, një autor legjendar, ndërsa orkestrimi është realizuar nga Darko Dimitrov, producenti më i suksesshëm i rajonit. Dy emra gjigandë dhe zëri i Anxhelës, magji absolute muzikore.
Videoklipi është realizuar nga Bug Production, të njohur për cilësinë e lartë vizuale, por këtë herë ata kanë kaluar çdo pritshmëri.
“Mjegull në Tiranë” duket si film, jo si klip.
Atmosferë misterioze, ndriçim kinematik, ngjyra dramatike dhe histori që të mbërthen nga fillimi deri në fund.
Anxhela shfaqet më e sofistikuar, më e thellë dhe më artistike se kurrë, duke dëshmuar se është një nga ikonat më serioze të skenës shqiptare.
Në qendër të klipit është modeli Erik Troqe, i cili ka marrë vëmendjen e publikut falë prezencës së tij të fortë dhe interpretimit emocional.
Fansat në rrjetet sociale kanë vërshuar me komente, duke e krahasuar me aktorin italian Michele Morrone nga filmi “365 Days”.

Karizmatik, intensiv dhe shumë fotogjenik, Eriku nuk është thjesht “model i bukur”, por sjell ndjenjë dhe thellësi, duke i dhënë klipit një dimension të ri.

“Mjegull në Tiranë” është një nga këngët më emosionale dhe të bukura që ka sjellë Anxhela.

Melodia prekëse e Pirro Çakos, orkestrimi i fuqishëm i Darko Dimitrovit dhe interpretimi brilant i Anxhelës krijojnë një atmosferë që të fut në shpirt.

Është këngë që nuk dëgjohet… por përjetohet.