Lajme
Protestuesit: Të japë dorëheqjen. Ogerta Manasterliu ministrja që zgërdhihet me gjakun e adoleshentit
21 Nëntor, 2024 | 3:42 pm
Ditën e sotme është mbajtur protesta nga qytetarët për vrasjen e 14 vjeçarit Martin Cani. Qytetarët vërshuan prej shkollës Fan Noli tek Ministria e Arsimit me pankarta në duar dhe thirrje për dorëheqjen e ministres Ogerta Manastirliu.
Dorëheqje, largoju, ik, iku’ kanë vazhduar për disa minuta thirrjet e qytetarëve në protestën e nisur nga shkolla ‘Fan Noli’ e më pas tek Ministria e Arsimit.
Thirrjet për dorëheqjen e Manastirliut kanë qenë të shumta pasi situata ka qenë mjaft e ndërlikuar, jo vetëm për fatin tragjik të 14 vjeçarit që u vra tek dera e shkollës, por edhe për faktin se teksa në Parlament deputeti i PD Asllan Dogjani kërkonte të mbahej 1 minutë heshtje, Ogerta Manastirliu, Belinda Balluku dhe Mirela Kumbaro u zgërdhinin nga të qeshurat duke mos respektuar tragjedinë që kishte ndodhur.
Në Shqipëri gjithmonë sipas traditave mbahet heshtje dhr tregohet respekt për mortin, por duket se ministret jo vetëm që nuk e kanë respektuar por janë zgërdhirë duke mos treguar aspak mëshirë. Në një moment ku duhet të gjithë së bashku të ishin në zi, ato zgjodhën ta kalojnë me humor.
Të ngjashme
Aksident tragjik në Ksamil/ Mjeti lundrues përplaset me skafin e Policisë Kufitare, ndërron jetë 22-vjeçari
1 ditë më parë
