Lajme
Arrestohet mjeku që ngacmoi seksualisht pacienten në Sanatorium
23 Tetor, 2024 | 4:12 pm
Policia e Tiranës ka ndaluar mjekun Pëllumb Hysko, i akuzuar se ka ngacmuar seksualisht një paciente në spitalin “Shefqet Ndroqi” në Tiranë.
Ai u denoncua ditën e djeshme në një emision investigativ pasi ishte filmuar me kamera të fshehtë duke i kërkuar favore seksuale një pacienteje.
Njoftimi i Policisë:
Në lidhje me një rast të transmetuar mbrëmjen e djeshme, në emisionin investigativ “Stop”, ju bëjmë me dije se:
Pas transmetimit të pamjeve filmike, specialistët e Sektorit për Hetimin e Krimit Ekonomik dhe Financiar në DVP Tiranë ndaluan shtetasin P. H., 58 vjeç, i dyshuar për veprat penale “Shpërdorimi i detyrës” dhe “Ngacmimi seksual” parashikuar nga neni 248 dhe 108/a të Kodit Penal.
Gjithashtu proceduan në gjendje të lirë shtetasin A. Z., 51 vjeç, për veprën penale “Shpërdorimi i detyrës” parashikuar nga neni 248 i Kodit Penal.
Drejtoria Vendore e Policisë Tiranë falënderon stafin e emisionit investigativ “Stop”, mediat dhe qytetarët që denoncojnë rastet e paligjshmërisë dhe i fton ata që të denoncojnë çdo rast paligjshmërie, duke iu garantuar reagim të menjëhershëm.
Të ngjashme
Aksident tragjik në Ksamil/ Mjeti lundrues përplaset me skafin e Policisë Kufitare, ndërron jetë 22-vjeçari
1 ditë më parë
