Lajme nga vendi
Një vit nga tërmeti/ Meta: E papranueshme që nuk është garantuar ende strehim për shumë familje
26 Nëntor, 2020 | 2:58 pm
Presidenti I Republikës Ilir Meta kujton 1-vjetorin e tërmetit tragjik me një vizitë në Qendrën e Tranfuzionit të gjakut.
“Nderim kujtimit të 51 jetëve të humbura nga tërmeti shkatërrues dhe solidaritet me familjet e tyre dhe gjithë të prekurit nga ajo fatkeqësi natyrore.
Një vit më pas, është e papranueshme, që ende nuk është garantuar një strehim i sigurt për shumë familje të goditura më rëndë nga tërmeti.
Kushtet e vështira ku jetojnë shumë prej tyre i ekspozojnë edhe më shumë ndaj pandemisë.
Të shtohen të gjitha përpjekjet për të qenë sa më pranë tyre, me sa më pak propagandë dhe sa më shumë punë e transparencë.
Ndërkohë drejtësia duhet të tregojë kush mbajti përgjegjësi për cilësitë skandaloze të shumë pallateve dhe pronave të qytetarëve.
Falenderim për të gjitha vendet mike për ndihmat bujare ndaj popullit shqiptar”, shkruan mbi videon live presidenti Meta.
