Në varësi të vendit ku jeton një person, idealet e tyre për atë që përbën bukurinë e vërtetë mund të ndryshojnë dukshëm nga të tjerët. Bukuria me të vërtetë është në sytë e shikuesit. Por e kundërta e kësaj është se ajo që shumë prej nesh e konsiderojnë si defektet tona fizike mund të dalë tërheqëse për dikë atje.

1.Dhëmbë të shtrembër- Japoni

Në vendet perëndimore, një vijë e drejtë e dhëmbëve konsiderohet si përkufizimi i buzëqeshjes së përsosur, dhe shumë nuk mund ta imagjinojnë që njerëzit mund të mendojnë ndryshe. Por në Japoni, gjërat janë anasjelltas: kulmi i tërheqjes është e ashtuquajtura “yaeba”, ose dhëmbët e shtrembër. Besohet se njerëzit duken më të lezetshëm nëse kanë këtë cilësi.  Për këtë arsye  dentistët në Japoni janë në kërkesë të madhe – nga të rinjtë dhe të rejat!

2.Një fytyrë në formë zemre-Koreja e Jugut

Në Korenë e Jugut, kirurgjia plastike nuk është vetëm e përhapur, ajo konsiderohet plotësisht normale. Në qytetet kryesore, ju do të shihni reklama kudo që bëjnë thirrje që njerëzit të shkojnë nën thikë për të përmirësuar pamjen e tyre.

Këtu, të kesh një fytyrë në formë zemre shihet si një nga mënyrat kryesore për tu dukur bukur. Për ta marrë atë, shumë koreanë janë të përgatitur t’i nënshtrohen operacioneve komplekse. Kjo shpesh përfshin thyerjen e eshtrave në nofull në tre pjesë, heqjen e pjesës qendrore dhe përzierjen e dy të tjerëve së bashku për të krijuar një mjekër më të theksuar. Pastaj këndet e mjekrës së re zbuten. Për një kohë të gjatë pas kryerjes së këtij lloji të operacionit, individi nuk është në gjendje të hajë ushqim të fortë.

3.Pesha e tepërt-Mauritania

Mauritanianet nuk kanë absolutisht asnjë shans të tërheqin shikimin e një burri nëse nuk kanë rrudha dhjami në bark.

Për t’u siguruar që vajzat të marrin dimensionet e dëshiruara, prindërit e tyre i dërgojnë në “ferma” speciale ku mund të hanë deri në 16,000 kalori në ditë (norma është 1,500). Fatkeqësisht, për shkak të kësaj tradite, shumë vajza zhvillojnë sëmundje të stomakut.

4.Veshjet kirurgjikale në fytyrë-Irani

Irani është kryeqyteti i rinoplastikës. Megjithë çmimin e lartë të procedurës, burrat dhe gratë këtu janë të gatshëm të paguajnë gjithçka për hir të një hunde të drejtë, e cila shihet këtu jo vetëm si një simbol i bukurisë, por edhe i një statusi të caktuar në shoqëri.

Por kjo është  gjëja më e çuditshme që mund të shihni këtu. Edhe nëse dikush nuk ka bërë një operacion në hundë, ata mund të vendosin të ecin në publik me një veshje kirurgjikale në fytyrë për t’i bërë njerëzit të mendojnë se kanë.

Një qafë e gjatë-Burma

Një nga rajonet e Birmanisë lindore është quajtur “vendi i grave gjirafë”. Ky emër i referohet njerëzve Kayan që jetojnë atje, gratë e të cilëve mbajnë unaza prej bronzi në qafë. Besohet se sa më e gjatë qafa e një personi, aq më e bukur duket.

Sipas legjendës, këto unaza mbrojnë gratë Kayan nga tigrat, megjithëse në realitet ato janë thjesht një mënyrë për të shprehur identitetin e tyre fisnor.