Lifestyle
Surprizë hapet në Tiranë: Toro Pizza Lounge
28 Shkurt, 2024 | 2:52 pm
Shijen italiane të picës më të mirë në botë, tani më keni të gjithë fatin ta provoni në zemër të Tiranës. Pak ditë më parë në kryeqytet është inaguruar restoranti më i ri “Toro Pizza Lounge”.
Picajoli i këtij restoranti është i njohur në mbarë botën, bëhet fjalë për Giovanni Landi. Talentin e ka trashëguar nga babai dhe gjyshi i tij në Napoli duke treguar se kanë qenë familje picajolësh. Ai ka një eksperiencë disa vjeçare në Itali, New York, Skoci dhe Las Vegas, tani më ka hapur edhe akademinë e tij. Në 2017, picajoli Giovanni ka marrë pjesë në “Pizza Expo, International Pizza Challange”, në Las Vegas ku dhe është shpallur Kampion Bote me pizzën Napolitane. Madje për të ka shkruar New York Times e shumë gazeta prestigjoze. Ka ngjallur reagime të shumta pas krijimit të Pizzës me portretin e Donald Trump.
Këtë veçanti e ka sjellë edhe në “Toro Pizza Lounge”, ku pizzat më speciale janë pizza portret dhe pizza Toro. Madje realizon pizza edhe me personazhet e Disney. Të cilat duhet ti provoni me patjetër sepse një pizza Toro nuk të shëndosh!
Kështu që pse humbni kohë akoma pa provuar pizzat që shumë shpejt do kthehen në të preferuarat tuaja.
