Lajme nga vendi
Kapet rreth 1 ton kokainë në jug të Italisë, ku ishte fshehur
5 Nëntor, 2020 | 4:03 pm
Plot 932 kg kokainë janë gjetur në jug të Italisë, brenda një kontenieri me midhje të ngrira.
Sipas mediave vendase, lënda narkotike ishte e ndarë në 800 pako dhe u zbulua në portin e Gioia Tauro, në Kalabri.
Kontenieri mësohet se vinte nga Kili, ndërkohë që kanë qenë kontrolli me rreze X që kanë konstatuar sasinë e konsiderueshme të drogës, vlera e të cilës arrinte në 186 milion euro.
Operacioni u krye nga Guardia Di Finanzia në bashkëpunim me policinë lokale, ndërkohë që nuk ka ende të arrestuar.