Ministri i Punëve të Brendshme të Austrisë, Karl Nehammer deklaroi se janë arrestuar 15 persona për sulmin terrorist të mbrëmjes së të hënës në Vjenë.
Mediat austriake theksojnë se rrjeti kriminal është i shtrirë në të gjithë Evropën. “Në Zvicër janë arrestuar dy persona të cilët besohet se kanë lidhje me sulmin”.
Tre shqiptarët e përfshirë në sulmin terrorist janë Kujtim Fejzullai me origjinë shqiptare nga Maqedonia, që u vra nga policia, Argjend G. 22 vjeç dhe Arijanit F. 21-vjeç.
Të gjithë të dyshuarit janë të moshës nga 16 deri në 28 vjet dhe kanë jetuar në Vjenë.
Nga sulmi terrorist në Vjenë 4 persona humbën jetën ndërsa disa të tjerë mbetën të plagosur.