Lifestyle
Braktis qytetin dhe ikën në fshat të kujdeset për breshkat,lepujt,qentë dhe macet
7 Shkurt, 2024 | 9:14 am
Ky është Daniele. Ai jeton në Riardo, Campania.
Ai rritet në fshat, i rrethuar nga kafshë. Miqtë e tij janë derra, lopë, buall. Luan me lepurushat dhe patat, i çon dhitë në kullotë.
Pranë kafshëve ai ndihet i lirë dhe autentik. Është viti 2015. Daniele është 42 vjeç. Ai ka probleme familjare dhe detyrohet të shpërngulet në Pulia. Në shtëpinë e qytetit nuk ka vend për miqtë e tij. Daniele ndjen se i shtrëngohet zemra në një ves. I jep për birësim, i mban vetëm disa
qen dhe mace.
Ai mbërrin në një vend turistik. Rruga, zhurmat, makinat. Nuk është mësuar, ndihet i bllokuar. Edhe kafshët e tij. I mban të mbyllur në shtëpi nga frika se mos lëndohen.
Ai është kujdestar për një person me ALS. Është një punë e vështirë.
Daniele vuan kur e sheh atë burrë të bllokuar në trupin e tij. Ai ndjen një nevojë të fortë për liri. Ai kthehet në shtëpi, miqtë e tij vrapojnë ta takojnë. Daniele i mban afër dhe i bën një premtim. Ai kursen aq sa mundet, derisa një ditë i fut qentë dhe macet në makinë dhe ikën.
Ata e lënë qytetin pas dhe mbërrijnë në fshat të hapur.
Daniele ka shpenzuar kursimet e tij dhe ka blerë një shtëpi të vogël të rrethuar me gjelbërim. Të gjitha për ta. Hap dyert. Kafshët vrapojnë jashtë të lumtura. Daniele ndihet më i lehtë. Ai vazhdon të punojë, pak nga pak familja zgjerohet. Katër lepurushë mbërrijnë, tetë breshka, një kotele tjetër. Daniele rrit lule, kujdeset për bimët dhe perimet. Natyra, kafshët, kjo është gjithçka që ai ka nevojë. Ai është i lumtur si një fëmijë.
