Showbiz
Kush është mashkulli krah Ilnisa Agollit? Postimi i fundit ndez aludimet
29 Qershor, 2026 | 9:10 pm
Ish-banorja e “Big Brother VIP Albania 3”, Ilnisa Agolli, ka tërhequr vëmendjen e ndjekësve me një postim të fundit në rrjetet sociale.
Gazetarja publikoi në Instastory një fotografi bardh e zi nga një darkë në restorant, e cila ka nxitur menjëherë aludime për një zhvillim të ri në jetën e saj personale.
Ajo që ka rënë më shumë në sy është momenti ku duart e saj ndërthuren me ato të personit që e shoqëronte, një detaj që është interpretuar nga ndjekësit si një sinjal për një lidhje të mundshme.
Megjithatë, Ilnisa ka zgjedhur të mos zbulojë identitetin e personit dhe nuk ka dhënë asnjë koment lidhur me postimin, duke lënë gjithçka në kuadrin e spekulimeve.
Ky postim vjen disa muaj pas ndarjes nga Meriton Mjekiqi, me të cilin krijoi një romancë gjatë qëndrimit në shtëpinë e “Big Brother VIP Albania 3”.
Që prej përfundimit të asaj lidhjeje, Ilnisa ka qenë mjaft diskrete për jetën e saj sentimentale. Për këtë arsye, fotografia e fundit ka ngjallur kureshtje dhe diskutime mes ndjekësve.
Nëse bëhet fjalë për një histori të re dashurie apo thjesht për një moment të rastësishëm, mbetet për t’u parë.
Të ngjashme
Çfarë po bënte me telefonin e dikujt tjetër? Selin Bollati sqaron episodin e pazakontë
2 orë më parë
