Lajme
Tentoi të largohej me 19 mijë euro të padeklaruara, paratë bllokohen në Portin e Durrësit
17 Qershor, 2026 | 8:18 pm
Gjatë kontrolleve të ushtruara në Portin e Durrësit, autoritetet kanë sekuestruar 19 mijë euro të padeklaruara.
Sipas njoftimit të policisë, shuma e parave u zbulua mbrëmjen e djeshme në dalje të territorit të Republikës së Shqipërisë, pak para imbarkimit të pasagjerëve në tragetin e linjës Durrës-Bari.
Autoritetet bëjnë me dije se 19 mijë eurot nuk ishin deklaruar në përputhje me procedurat ligjore në fuqi, ndaj u sekuestruan nga shërbimet doganore.
Rasti i është referuar organeve kompetente për veprime të mëtejshme procedurale, ndërsa kontrollet në Portin e Durrësit vijojnë me intensitet në kuadër të masave për parandalimin dhe goditjen e shkeljeve doganore dhe të paligjshmërisë ndërkufitare.
Të ngjashme
E rëndë në Lushnjë! Mjeti bujqësor përmbyset dhe zë poshtë fermerin, humb jetën 65-vjeçari
1 orë më parë
