Showbiz
Deklarata e fortë e familjes së Fjolla Morinës: Kërkojmë reagim të menjëhershëm
22 Dhjetor, 2025 | 12:54 pm
Familjarët dhe rrethi mbështetës i këngëtares Fjolla Morina kanë dalë me një reagim publik pas disa situatave të fundit të ndodhura brenda shtëpisë së Big Brother VIP Kosova, duke shprehur shqetësim të thellë për mënyrën se si artistja është trajtuar gjatë debatëve dhe përplasjesh verbale.
Në deklaratën e shpërndarë, ata theksojnë se gjuha e përdorur dhe sulmet personale ndaj Fjollës kapërcejnë kufijtë e lojës dhe nuk përputhen me standardet e respektit njerëzor. Sipas familjarëve, Fjolla nuk është thjesht një konkurrente në një reality show, por një grua, nënë dhe artiste që ka kaluar sfida të mëdha jetësore, të cilat meritojnë mirëkuptim dhe respekt.
Reagimi përfshin edhe një thirrje direkte ndaj produksionit të programit, duke kërkuar ndërhyrje dhe masa konkrete për të frenuar përdorimin e gjuhës fyese dhe sulmeve që cenojnë dinjitetin personal të banorëve. Ata nënvizojnë se një format me ndikim të gjerë publik ka përgjegjësi të qartë për të garantuar komunikim të shëndetshëm dhe etik.
Familjarët dhe mbështetësit e këngëtares bëjnë të ditur se nuk do të qëndrojnë indiferentë ndaj situatave që prekin figurën dhe integritetin e saj, duke theksuar se respekti nuk duhet parë si opsion, por si parim bazë për të gjithë pjesëmarrësit.
