Showbiz
Moda në zi! Ndahet nga jeta Roberto Cavalli
12 Prill, 2024 | 9:31 pm
Dizajneri italian Roberto Cavalli ka vdekur në moshën 83-vjeçare në shtëpinë e tij në Firence.
Lajmin për vdekjen e tij e kanë bërë të ditur familjarët e tij, të cilët kanë thënë se shëndeti i stilistit të njohur është përkeqësuar ditët e fundit.
Italiani vinte nga një familje artistësh. Prirja e tij për pitonët dhe printimet e mrekullueshme të kafshëve e bëri atë të dashurin e jet setit ndërkombëtar për dekada.
Modelja suedeze Sandra Nilsson, e cila është 45 vjet më e vogël, është partnerja e tij që nga viti 2014. Ai u bë baba për herë të gjashtë vitin e kaluar kur çifti lindi një djalë.
I lindur më 15 nëntor 1940, në Firence, qendra kryesore e përpunimit të lëkurës në Itali, Cavalli ishte i njohur për përdorimin e tij të lëkurës së stampuar dhe xhinseve elastike.
Guruja e modës themeloi kompaninë që mban emrin e tij në 1975, duke u bërë shpejt i njohur për modelet me printe kafshësh.
