Lifestyle
Psikologji:Nga vjen kurioziteti?
1 Qershor, 2021 | 10:39 am
Kurioziteti na çon të eksplorojmë botën dhe të bëjmë zbulime të reja: nga pikëpamja evolucionare, është një nxitje thelbësore për të mbijetuar pothuajse si uria. Megjithatë, baza biologjike e këtij instinkti mbetet disi misterioze. Një studim i botuar në Science identifikon origjinën e kuriozitetit në minj – domethënë, të sjelljeve të tyre hetimore dhe kërkimit të stimujve të rinj – në një zonë të trurit të quajtur “zona e pasigurt”.
Një mister akoma për t’u tretur. Motivimi për të hetuar situata të panjohura konsiderohet si themelor sa instiktet themelore të mbijetesës: është në fakt parakushti evolucionar i të mësuarit kompleks (ai që përfshin funksione më të larta njohëse, siç janë inteligjenca dhe kreativiteti).
Sidoqoftë, studimet mbi bazën neurologjike të kuriozitetit deri më tani nuk kanë çuar në zbulime epokale. Shumica e kërkimeve ishin përqendruar në qendrat nervore që rregullojnë mekanizmin e shpërblimit, kërkimin e situatave shpërblyese. Por kurioziteti ushqen etjen për eksplorim edhe kur nuk pritet asnjë “çmim përfundimtar”, madje edhe në kushte potencialisht të rrezikshme. Me fjalë të tjera, kurioziteti është shpesh një qëllim në vetvete.
