Lajme nga vendi
Perdorte vajza per prostitucion ne Itali, arrestohet fieraku i kerkuar nga Interpoli
16 Prill, 2021 | 1:34 pm
Saimir Mehemti, është 55 vjeçari i arrestuar nga Policia e Fierit në bashkëpunim me Interpol Tiranën, i cili pritet të ekstradohet në Itali pasi autoritetet e drejtësisë atje e kanë dënuar me 7.6 vite burg.
Ky shtetas dyshohet se në bashkëpunim me persona të tjerë, ka rekrutuar dhe dërguar ilegalisht në Itali femra shqiptare, të cilat nëpërmjet dhunës i ka shfrytëzuar për prostitucion.
“Nga Seksioni për Hetimin e Narkotikëve dhe Trafiqeve të Paligjshme në DVP Fier, në bashkëpunim me Interpol Tirana, në vijim të punës për kapjen e personave të shpallur në kërkim ndërkombëtar, bazuar dhe në informacionet e mara në rrugë policore, u bë i mundur lokalizimi, kapja dhe arrestimi i përkohshëm, me qëllim ekstradimin drejt Italisë, i shtetasit Saimir Mehmeti, 55 vjeç, banues në Fier.
Sipas newsbomb arrestimi i këtij shtetasi u bë pasi autoritetet gjyqësore në Genova, Itali, me vendimin e datës 20.03.2021, e kanë dënuar me 7 vite e 6 muaj burg, për veprat penale “Grup kriminal”, “Shfrytëzim prostitucioni” dhe “Plagosje”, njofton Policia.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
Të ngjashme
Zjarr në pyllin e Sodës. Pushuesit largohen nga plazhi i Zvërnecit në Vlorë, katër zjarrfikëse në vendin e ngjarjes
12 muaj më parë
