Era e fortë shkakton bllokime në rrugët e Korçës nga rënia e pemëve gjatë natës

9 muaj më parë

Gjatë mbrëmjes së djeshme vendi ka përjetuar erëra të forta të cilat kanë shkaktuar dëme lokale në energji dhe infrastrukturën rrugore. Gjithashtu media gjermane “Bild” ka njoftuar se jugu i Shqipërisë mund të përballet me përmbytje katastrofike së bashku me veriu e shtetit fqinj, Greqisë.

Në qytetin e Korçës, veçanërisht në Lagjen 14, erërat kanë rrëzuar disa pemë duke bllokuar për disa orë rrugët. Punonjës të ndërmarrjes së punëve publike kanë prej këtij mëngjesi punën për largimin e pemëve të rrëzuara dhe prerjen e atyre që cilësohen të rrezikshme.

 

Kjo situatë përveç këtyre problemeve ka shkaktuar edhe probleme të tjera për sa i përket energjisë elektrike në shumë lagje të Korçës në njësitë administrative. Në Dardhas të Pogradecit edhe sot e gjithë njësia është pa energji ndërkohë që mbrëmja e së enjtes ka kaluar në errësirë edhe për banorët e Trebinjës.

Të ngjashme