22 vjeçarja tentoi të vetëvritet me thikë në Korçë,e dhunonte bashkëshorti

Në mbrëmjen e djeshme është zbardhur një ngjarje e rëndë në Maliq të Korçës,ku një 22-vjeçare tentoi t’i japë fund jetës së saj duke u vetëplagosur me thikë.

Raportohet se veprimi ekstrem i 22-vjeçares ka ardhur në kushte të rënduar psikologjike, pasi bashkëshorti i saj e dhunonte fizikisht dhe psikologjikisht.

Policia ka mundur të arrestoje 34-vjeçarin E.R i cili ushtroi dhunë ndaj 22-vjeçares.

Njoftimi i policisë:

Maliq – Ushtroi dhunë fizike dhe psikologjike ndaj bashkëshortes së tij, e cila më pas tentoi të vetëvritej, vihet në pranga 34-vjeçari.

Specialistët për Hetimin e Krimeve në Komisariatin e Policisë Maliq, në vijim të punës për zbardhjen e plotë të rrethanave të ngjarjes së ndodhur mbrëmjen e djeshme në fshatin Orman, Maliq, bënë arrestimin në flagrancë për veprën penale “Dhuna në familje”, të shtetasit E. R., 34 vjeç, banues në këtë fshat.

Nga veprimet hetimore të kryera, rezulton se ky shtetas në banesë, ka ushtruar dhunë fizike dhe psikologjike, ndaj bashkëshortes së tij shtetases E. R., 22 vjeçe, e cila në gjendje të rënduar psikologjike, ka tentuar të vetëvritet me thikë dhe ndodhet në Spitalin e Korçës nën kujdesin e mjekëve.

Materialet i kaluan Prokurorisë së Rrethit Gjyqësor Korçë për veprime të mëtejshme.

Previous articleÇiftet që pijnë alkol bashkë jetojnë më të lumtur dhe ne ju tregojmë pse
Next articleModeratori shqiptar: Nuk dal me vajzat e showbiz-it janë…