Showbiz
Pas aksidentit të rëndë, Sinan Vllasaliu shfaqet me paterica
6 Korrik, 2026 | 11:30 am
Këngëtari i njohur Sinan Vllasaliu duket se po lë pas periudhën e vështirë pas aksidentit që pësoi disa javë më parë.
Artisti ka ndarë me ndjekësit një moment nga përditshmëria e tij, ku shfaqet duke dalë për një kafe, një sinjal se gjendja e tij shëndetësore po përmirësohet gradualisht.
Megjithatë, rikuperimi ende nuk ka përfunduar. Në pamjet e publikuara, Vllasaliu shihet duke përdorur paterica për të ecur, çka tregon se ai vazhdon të jetë në proces rehabilitimi.
Fansat nuk kanë kursyer mesazhet inkurajuese, duke i uruar artistit shërim të plotë dhe rikthim sa më të shpejtë në skenë.
