Lajme nga vendi
“Aksion për të parandaluar përhapjen e Covid”, Policia bëhet qesharake, sekuestron instrumentet muzikore të orkestrës
26 Nëntor, 2020 | 10:31 am
“Policia e Krujës vijon kontrollet për parandalimin e përhapjes së Covid-19”.
Qesharake por e vërtetë! Kështu e nis njoftimin e saj Policia e Shtetit, e cila njofton se është arrestuar në flagrancë
pronari i një lokali, i cili pasi ishte proceduar penalisht 2 herë dhe ishte ndëshkuar disa herë me masë administrative, u konstatua sërish duke organizuar një festë familjare (fejesë) në kundërshtim me Aktin Normativ.
Sipas policisë, lokali ka qenë në pronësi të shtetasit me iniciale XH.B, 46 vjeç.
Ndërsa është proceduar penalisht 1 shtetas tjetër.
Policia: Ky shtetas, në periudha të ndryshme kohore, është ndëshkuar disa herë me masa administrative, si dhe është proceduar 2 herë, për veprën penale “Mosbindja ndaj urdhrit të punonjësit të policisë”, pasi është konstatuar nga shërbimet e Policisë duke organizuar ceremoni martesore ose festa familjare në kundërshtim me Aktin Normativ.
Gjithashtu u procedua penalisht shtetasi N. H., 20 vjeç (DJ), si dhe u sekuestruan në cilësinë e provës materiale instrumentet muzikore.
Të ngjashme
Zjarr në pyllin e Sodës. Pushuesit largohen nga plazhi i Zvërnecit në Vlorë, katër zjarrfikëse në vendin e ngjarjes
12 muaj më parë
