Lifestyle
Sa nevojë kemi për miqtë tanë?
17 Maj, 2021 | 6:59 pm
Me izolim ne kemi kuptuar edhe më shumë se sa të rëndësishëm janë miqtë. Tani neuroshkenca shpjegon se sa “i uritur” është truri për miqësi.
Pas një viti e më shumë izolim shoqëror të shkaktuar nga pandemia, ne kemi kuptuar edhe më shumë se sa kemi nevojë për miq. Ajo që nuk e dinim ishte se sa mungesa e tyre mund të na bëjë të vuajmë. Përgjigja u dha nga neuroshkencëtarja Livia Tomova, nga MIT në Boston, me një studim të botuar në Nature Neuroscience: ne mund të na mungojnë miqtë ashtu si na mungon buka kur jemi të uritur.
Në eksperiment, disa njerëz midis moshës 18 dhe 40 ishin të izoluar për 10 orë, pas së cilës ata iu nënshtruan rezonancës magnetike funksionale, ndërsa u treguan fotografitë e miqve duke qeshur në shoqëri. Kështu u pa që, së bashku me një ndjesi të fortë të vetmisë, një grup neuronesh nga substanca nigra dhe zona tegmentare ventrale ishin aktivizuar në trurin e tyre: i njëjti grup qelizash që ndizet, pas një periudhe identike të kohës së agjërimit ., duke parë fotot e ushqimit.
SI BUKE. Vështrime të mëtejshme nga ky studim tani po hetojnë nëse dhe në çfarë mase marrëdhëniet virtuale, për shembull ato të përfshira përmes thirrjeve video, mund ta lehtësojnë këtë “uri”. Sepse shoqëria, siç e kemi parë, është një nevojë parësore, ashtu si ajo e bukës.
